Zakir Həsənov Belarusa səfər edib

Azərbaycanın müdafiə naziri general-polkovnik Zakir Həsənov Belarusa rəsmi səfərə gedib.

"İnformator.az" "Teleqraf"a istinadən xəbər verir ki, onu Belarusun müdafiə naziri general-leytenant Viktor Xrenin qarşılayıb.

Səfər çərçivəsində Azərbaycan hərbi nümayəndə heyətinin rəhbəri ilə Belarusun siyasi və hərbi rəhbərliyi arasında bir sıra görüşlərin keçirilməsi, ölkədəki hərbi hissələrə, müdafiə sektoru müəssisələrinə səfərlərin təşkil olunması nəzərdə tutulub.