Zelenski Avropa liderləri ilə görüşəcək

Ukraynada müharibəyə son qoymaq üçün təzyiqlər davam etdiyi bir vaxtda ölkə lideri Vladimir Zelenskinin cümə axşamı Fransanın paytaxtı Parisdə Avropa liderləri ilə görüşəcəyi bildirilir.

Fransanın AFP xəbər agentliyinə danışan mənbə belə bir görüşün planlaşdırıldığını, lakin ABŞ prezidenti Donald Trampın iştirakının gözlənilmədiyini bildirib. Xəbər verildiyi kimi, Rusiya diplomatiyadan uzaqlaşmağa cəhd etdiyi üçün Paris danışıqlarında əsas diqqət Ukrayna üçün təhlükəsizlik zəmanətidir. Ukrayna istənilən potensial sülh sazişində Rusiyanı gələcək potensial hücumdan çəkindirəcək təhlükəsizlik zəmanətlərinin daxil edilməsini istəyir. Bu kontekstdə Ukraynaya Avropa sülhməramlı qüvvələrinin göndərilməsi də nəzərdən keçirilir.

Bu arada Kremlin xarici siyasət müşaviri Yuri Uşakov Zelenski ilə danışıqlarla bağlı Putinlə Tramp arasında hələlik razılığın olmadığına diqqət çəkərək, "Onlar üçtərəfli görüşdən, Putin və Zelenski arasında görüşdən danışırlar. Amma bildiyimə görə, Putinlə Tramp arasında bu mövzuda razılaşma yoxdur" deyib.

Hürriyet
Samirə Allahverdizadə