Zelenski - Tramp arasında görüş baş tutub

Vaşinqtonda ABŞ və Ukrayna prezidentləri - Donald Trampla Vladimir Zelenskinin görüşü başlayıb.

"İnformator.az" xəbər verir ki, bu barədə Ağ Ev məlumat yayıb.

Tramp Zelenskini Ağ Evdə qarşılayarkən jurnalistlər ondan ukraynalılara mesajını soruşublar.

Tramp qısa cavab verib:

"Biz onları sevirik".

Həmçinin Zelenski Trampa Ukraynanın birinci xanımı Yelena Zelenskayanın ABŞ-ın birinci xanımı Melaniya Trampa məktubunu təqdim edib.

“Ukraynanın birinci xanımı bu məktubu verdi. Amma sizə yox – sizin xanımınıza”, - deyə Zelenski zarafatla bildirib və bu, gülüşə səbəb olub.

***

Görüşün mətbuata açıq hissəsi başa çatıb.

Liderlər bağlı qapılar arxasında müzakirələri davam etdirirlər.