Zəlzələdən sonra Kamçatkada sunami ehtimalı yüksək qiymətləndirilir

Sakit Okeanda baş verən, Petropavlovsk-Kamçatskidə intensivliyi ilkin olaraq 4 bal olaraq qiymətləndirilən afterşokdan sonra Kamçatkada hündürlüyü 19 sm-ə qədər olan sunami qeydə alına bilər.

"İnformator.az"ın xəbərinə görə, bu barədə Rusiya Fövqəladə Hallar Nazirliyinin region üzrə Baş İdarəsinin teleqram kanalında məlumat verilib.

"Kamçatka Sunami Monitorinqi və Xəbərdarlıq Mərkəzinin hesablamalarına görə, Sakit Okeanda baş vermiş zəlzələ nəticəsində hündürlüyü 19 santimetrdən çox olmayan sunami dalğası Aleut Bələdiyyə Dairəsinə, hündürlüyü 15 santimetrdən çox olmayan sunami Ust-Kamçatsk bələdiyyə dairəsinə, 3 santimetrdən çox olmayan sunami Petropavlovsk-Kamçatski şəhər dairəsinə yaxınlaşa bilər", - məlumatda deyilir.