Zuckerberg'dən ABŞ-yə böyük sərmayə

ABŞ prezidenti Donald Tramp Ağ Evdə texnologiya sektorunun tanınmış simaları ilə görüşüb. Tesla və SpaceX-in baş direktoru Elon Musk'ın yoxluğu diqqəti cəlb edib.

Səmimi anlar yaşanıb, zarafatlar edilib Tramp texnologiya nəhənglərini qonaq edib
Bütün gözlər isə dünyanın ən varlı adamı Elon Musk'ı axtarıb.

ABŞ prezidenti Donald Tramp cümə axşamı Ağ Evdə texnologiya dünyasının ən güclü simalarından bəzilərini şam yeməyində qonaq edib. Tədbir süni intellekt qaydalarına dair müzakirələr fonunda baş verib.

Masada Meta-nın baş direktoru Mark Zuckerberg, Microsoft-un qurucusu Bill Gates və OpenAI-nin baş direktoru Sam Altman kimi adlar iştirak edib.

Trampın prezidentliyinin ilk aylarında aralarından su sızmayan Tesla və SpaceX CEO-su Elon Musk'ın masada olmaması diqqət cəlb edib. İki dost bu yaxınlarda siyasi fikir ayrılıqlarına görə anlaşılmazlıqlar yaşamışdılar.

Musk'ın proqram ziddiyyətləri səbəbindən şam yeməyinə qatıla bilmədiyi və onun yerinə şirkətindən bir nümayəndənin qatıldığı açıqlanıb.

Texnologiya nəhəngləri, Tramp idarəetməsini süni intellekt və bizneslə bağlı mövqeyinə görə tərif ediblər.

"Düşünürəm ki, hazırda süni intellektdə inanılmaz dönüş nöqtəsi baş verir və idarəetməniz şirkətlərimizlə mübarizə aparmaq əvəzinə onları dəstəkləyir."

Meta-nın baş direktoru Zuckerberg ABŞ-yə böyük sərmayələr yatıracağını vəd edib. OpenAI-nin CEO-su Sam Altman Trampın rəhbərliyini “təravətləndirici” adlandırıb və onu ABŞ-ni qlobal innovasiyalarda liderə çevirdiyinə görə tərifləyib.

First Lady Melania Tramp'ın yanında oturan Bill Gates isə ABŞ-yə böyük investisiyaları və yüksək texnologiyalı istehsalı dəstəkləyən siyasətçiləri yüksək qiymətləndirib.

Haber global
Samirə Allahverdizadə