Avstraliyalı alimlər beyin dalğalarındakı düşüncələri deşifrə edən süni intellekt modeli hazırlayıblar

ABC News-un məlumatına görə, Sidney Universitetindən olan tədqiqatçılar, dərin öyrənmə üsullarından istifadə edərək beynin elektriksel fəaliyyətlərini ölçən geyilə bilən başlıq formasında elektroensefaloqram (EEQ) cihazı üzərində işləyiblər.

Tədqiqatçılar modelin daha rahat işləməsi üçün onu məhdud sayda sözlərlə təlim etdiklərini bildiriblər. Süni intellekt vasitəsilə qeydə alınan beyin siqnalları əvvəlcə sözlərə, daha sonra isə mənalı cümlələrə çevrilib.

Araşdırma qrupu bu modelin düşüncələri mətndə ifadə etməsi baxımından indiyədək təxminən 75 faiz dəqiqlik əldə etdiklərini, lakin bu göstəricini 90 faizə çatdırmağı hədəflədiklərini qeyd edib.

Alimlər bu layihənin tibb sahəsində "çığır aça biləcəyini" vurğulayaraq, hazırlanmış süni intellekt modelinin həm idrak qabiliyyəti zəifləmiş xəstələrə kömək edə biləcəyini, həm də insanların kompüterlərlə ünsiyyətini daha da təkmilləşdirə biləcəyini bildiriblər.

Tədqiqatçılar, gələcəkdə bu texnologiyanı iki nəfər arasında birbaşa düşüncə yolu ilə ünsiyyət qurmaq üçün də istifadə etməyi planlaşdırdıqlarını açıqlayıblar.

TRT Haber
Xəlilli Nigar