ABŞ-də iki təyyarə havada toqquşub

ABŞ-nin Kolorado ştatında iki kiçik təyyarənin havada toqquşması nəticəsində bir nəfər həlak olub, 3 nəfər yaralanıb.

NBC News-un Morqan bölgəsi Şerif İdarəsinə istinadən verdiyi məlumata görə, eyni vaxtda Fort Morqan Hava Limanına enməyə çalışan iki kiçik təyyarə havada toqquşub.

Rəsmi şəxslər hər iki təyyarədə iki nəfərin olduğunu bildirərək, qəza nəticəsində bir nəfərin həyatını itirdiyini, 3 nəfərin isə yaralandığını qeyd ediblər.

Milli Nəqliyyat Təhlükəsizliyi Şurası hadisə ilə bağlı araşdırmaya başlayıb.

TRT HABER

Solmaz Muradova