ABŞ-da işsizlik müraciətləri ən yüksək həddə çatdı

ABŞ-da ilk dəfə işsizlik iddiası ilə müraciət edənlərin sayı iyunun 3-də bitən həftədə 261 minə yüksəlib.

İnformator.az xarici mediaya istinadən xəbər verir ki, bu, 2021-ci ilin oktyabrından bəri ən yüksək səviyyədir.  Bazar gözləntilərini aşaraq 30 oktyabr 2021-ci il tarixindən bu yana ən yüksək səviyyəyə çatan işsizlik müraciətlərinin bu dövrdə 235 min səviyyəsində reallaşması gözlənilirdi.

Analitiklər işsizlik müavinəti üçün müraciətlərin ardıcıl üçüncü həftə artdığını və bunun əmək bazarının gücünün azaldığına işarə ola biləcəyini bildiriblər.