Almaniyada türk ailəsinin həyətinə meteorit düşdü

Almaniyanın Elmshorn şəhərində yaşayan türk ailəsinin evinin həyətinə meteorit düşüb.

İnformator.az TRT Haber-ə istinadən xəbər verir ki, ailə meteoriti satmaq üçün müxtəlif ölkələrdən təkliflər alır.

Əvvəlcə nə baş verdiyini anlamayan ailə yanğınsöndürənləri çağırıb. Həndbol böyüklüyündə olan asteroid üzərində maqnit testi aparılıb. Çəkisi 3 kiloqram 700 qram olan meteoritin təxminən 4,5 milyard il yaşı olduğu təxmin edilir.

Dünyanın hər yerindən Şahin ailəsinə meteoriti almaq üçün təkliflər edirlər. Almaniya və ABŞ-dan gələn təkliflər 200 min avro təşkil edib. Mahmut Şahin meteoritin bir müddət də olsa müxtəlif muzeylərdə sərgilənməsini istəyir.

Aydan