Avstraliyanın Baş naziri sərt tədbirlər görəcəyini açıqlayıb

Baş nazir bazar günü Bondi çimərliyində yəhudi festivalını hədəf alan ölümcül atışmadan sonra hökumətinin nifrət dolu çıxışlara qarşı sərt tədbirlər görəcəyini bildirib.
Hanuka bayramının ilk gününü qeyd etmək üçün keçirilən tədbirdə iki silahlı şəxsin atəş açması nəticəsində 15 nəfər həlak olub.

Albanese Kanberrada jurnalistlərə bildirib ki, yeni qanunlar "nifrət, bölünmə və radikalizm yayanları" hədəf alacaq.

Daxili işlər nazirinə,həmçinin nifrət yayanlara vizaları ləğv etmək və ya rədd etmək üçün yeni səlahiyyətlər veriləcək və təhsil sisteminin "antisemitizmin qarşısını almasını, mübarizə aparmasını və lazımi şəkildə cavab verməsini" təmin etmək üçün yeni bir işçi qrupu yaradılacağını bildirib.

Polis Bondidə baş vermiş hücumla bağlı araşdırmaları ilə "hər hansı bir əlaqə” müəyyən etmədiklərini bildirib.

BBC
Rəmziyyə Babazadə