Avstriyada Koalisiya hökuməti partiyasının müsəlmanlara qarşı yazısı tənqidlərə uğrayıb

Avstriyada koalisiya hökumətinin üzvü olan Avstriya Xalq Partiyasının (ÖVP) müsəlmanlara qarşı yazdığı yazı qəzəbə səbəb olub.

Bir neçə siyasətçi sosial mediada ÖVP-nin müsəlmanlara qarşı yazdığı yazıya münasibət bildirib. Sosial Demokrat Partiyasının (SPÖ) maliyyə naziri Markus Marterbauer ÖVP-nin açıqlamasına görə üzr istəyib və bildirib ki, o, on illərdir xəstəxanalarda, ticarətdə və sənayedə çalışan Avstriyadakı Bosniya vətəndaşlarına rəğbət bəsləyir. Marterbauer bildirib ki, "Üzr istəyirəm! Biz belə deyilik".

Yaşıl Partiya lideri Leonore Gewessler vurğulayıb ki, yazı kanslerin partiyasına yaraşmır. Gewessler şərhində bildirib ki, "On illərdir Avstriyada yaşayan, işləyən və cəmiyyətimizin bir hissəsi olan insanların belə bir şey oxuması utancvericidir". ÖVP-nin sosial media paylaşımında belə deyilir: "İnsanların üçdə ikisinin müsəlmanlarla yaşamaqda çətinlik çəkdiyini bilirdinizmi?"

TRT Xəbər
Xədicə Məhərrəmli