AZAL təyyarəsinin qəzaya uğradığı yerdə abidə ucaldılıb

Aktau yaxınlığında AZAL təyyarəsinin qəzaya uğradığı yerdə abidə ucaldılıb.

"İnformator.az" yerli mediaya istinadən xəbər verir ki, abidə yerli sakinlərin təşəbbüsüdür.

Xatırladaq ki, AZAL-a məxsus Bakı-Qroznı aviareysini həyata keçirən sərnişin təyyarəsi dekabrın 25-də Qazaxıstanın Aktau şəhəri yaxınlığında qəzaya uğrayıb. Təyyarənin göyərtəsindəki 67 nəfərdən 38-i həlak olub, 29-u sağ qalıb. Təyyarə Rusiyanın Qroznı üzərindəki hava məkanında baş verən fiziki və texniki xarici müdaxilə nəticəsində qəzaya uğrayıb.