BBC və Tramp qarşı-qarşıya!

Britaniyanın ictimai yayımçısı BBC, BBC-nin 2021-ci ildə Konqresdəki reyd çıxışından sənədli filmdə kontekstdən kənar istifadə edərək, ştat qanunlarını pozduğunu iddia edən ABŞ prezidenti Donald Trampın 10 milyard dollarlıq iddiasına qarşı özünü müdafiə edəcəyini açıqlayıb.

BBC-nin sözçüsü Trampın çıxışını redaktə etməkdə ittiham etdiyi BBC-yə qarşı qaldırdığı iddianı şərh edib.

Sözçü, "Daha əvvəl açıq şəkildə ifadə etdiyimiz kimi, bu işdə özümüzü müdafiə edəcəyik. Davam edən hüquqi proseslə bağlı əlavə şərh verməyəcəyik",-deyib.

28 oktyabr 2024-cü ildə BBC News-da yayımlanan Panorama proqramında "Tramp: İkinci Şans?" Trampın 2021-ci il Konqresin işğalından əvvəl etdiyi iki fərqli çıxışı əks etdirib.

ABŞ-də prezident seçkilərindən bir həftə əvvəl yayımlanan sənədli filmdə BBC-nin bu iki fərqli çıxışı birləşdirərək vahid çıxış kimi yayımladığı və montaj nəticəsində Trampın tərəfdarlarına “Konqresə yürüş və döyüş” mesajı verdiyi kimi təsəvvür yaranıb. Orijinal çıxışda dinc etirazla bağlı ifadələr BBC sənədli filmindəki birləşmiş çıxışdan çıxarılıb.

Hadisə BBC-nin İdarə Heyətinə təqdim edilən 19 səhifəlik hesabatla üzə çıxıb. Montajın üzə çıxmasından sonra BBC-nin baş direktoru Tim Davie və Xəbər rəhbəri Debora Turness istefa veriblər.

BBC Trampın çıxışının montajına görə üzr istəyib, lakin Trampın təzminat iddiasını qəbul etməyəcəyini bildirib.

Florida ştatının Cənub Bölgəsində açılan iddiada prezident Trampın vəkilləri Trampın BBC-dən ümumilikdə 10 milyard dollar təzminat tələb etdiyini bildiriblər: böhtana görə 5 milyard dollar və Florida ştatının biznes qanunlarını pozduğuna görə 5 milyard dollar.

Aydan Əsgərxanlı

CNN Türk