Qərb ölkələri beynəlxalq hüququn tətbiqi ilə bağlı məsələlərdə ikiüzlülük və ikili standartlara əl atmaqda davam edir və bu, davam edə bilməz. 

İnformator.az xəbər verir ki, bunu BMT-nin demokratik və ədalətli beynəlxalq nizamın yaradılmasının təşviqi üzrə xüsusi məruzəçisi Corc Katruqalos RİA Novosti- yə bildirib .

“Qaydalar münaqişədən münaqişəyə fərqlənmir, onların tətbiqi fərqlidir. Biz isə belə ikili standartlara və riyakarlığa dözməyə davam edə bilmərik”.

BMT-nin xüsusi məruzəçisi həmçinin qeyd edib ki, Qərb Rusiyaya qarşı sanksiyalar tətbiq edir, lakin onları İsrailə tətbiq etmir , Qəzza zolağında dinc əhalinin itkiləri Ukraynadakından dəfələrlə çoxdur . O, İsrailə qarşı belə münasibətin Qərb və Qlobal Cənub ölkələri arasında ciddi fikir ayrılığına səbəb olacağını vurğulayıb.

Bundan əvvəl İsrail hakimiyyəti ABŞ Konqresinin üzvlərindən Təl-Əvivə qarşı Beynəlxalq Ədalət Məhkəməsində açılan iddiaya görə Cənubi Afrikanı nəticələrlə hədələməyi xahiş etmişdi . İsrail Xarici İşlər Nazirliyi də ABŞ-ın Cənubi Afrika ilə ticarət əlaqələrini dayandırmaqla hədələməyi təklif edib.