Cem Bölükbaşı Le Mans 24 Saat Yarışında iştirak edəcək

Karyerasını Avropa Le Mans Seriyasında (ELMS) davam etdirən avtomobil sürücüsü Cem Bölükbaşı, 14–15 iyun tarixlərində keçiriləcək Le Mans 24 Saat Yarışında mübarizə aparacaq.

Türkiye Otomobil Sporları Federasyonunun açıqlamasına görə, bu mövsüm ELMS-də "Nielsen" komandası ilə LMP2 kateqoriyasında yarışan Cem, 2025 Dünya Dözümlülük Çempionatının Fransanın Le Mans şəhərində keçiriləcək 4-cü mərhələsində trasa çıxacaq.

Cem, "De la Sarthe" trasında keçiriləcək 24 saatlıq mübarizədə Colin Braun və Naveen Rao ilə birlikdə "Nielsen" komandasının Pro/AM kateqoriyasında yarışacaq 24 nömrəli avtomobilini idarə edəcək.

Açıqlamada fikirlərinə yer verilən 27 yaşlı pilot bildirib: “Bu yarış motorsport dünyasında ikonik bir yerə sahib olmaqla yanaşı, dözümlülük və strategiyanın ən son sınağıdır. Belə dərin köklərə malik və çətin bir mübarizədə iştirak etmək mənim üçün böyük şərəf və qürur mənbəyidir. Le Mans-a hazırlaşarkən 'Nielsen Racing'dəki komandamla gecə-gündüz çalışırıq”.

Mənbə: TRT Haber 

Nigar Həsənzadə