Keniyada oktyabrın 5-də vəfat edən 40 yaşlı kişi xəstəxanaya yerləşdirildikdən qısa müddət sonra Ebola virusuna yoluxduğu müəyyən edilib.

Onu hava limanından qarşılayan qohumu paytaxt Nayrobidəki xəstəxanaya aparıb. Kişi xəstəliyi aşkar edilmədən Konqo Demokratik Respublikasından Uqanda vasitəsilə Keniyaya səfər edib.Keniyanın Səhiyyə Nazirliyinin bildirdiyinə görə, kişinin ölümündən sonra onun 128 nəfərlə təmasda olduğu müəyyənləşdirilib. Çərşənbə axşamından etibarən həmin şəxslərdən 113-ü tapılıb.Onlardan 108 nəfər Keniyada karantinə alınıb, qalan 15 nəfərin axtarışı isə davam edir.

Bu il Konqo Demokratik Respublikasında Ebola virusundan 4 mindən çox insan həyatını itirib. Bu, indiyədək qeydə alınmış ən ölümcül Ebola epidemiyaları arasında ikinci yerdədir.Ebola virusu qan və ya qusuntu kimi yoluxmuş bədən mayeləri ilə təmas vasitəsilə yayılır.Keniyanın Səhiyyə Nazirliyi xəbərdarlıq edib ki, qızdırma, qeyri-adi halsızlıq, əzələ və ya oynaq ağrıları, qusma, ishal və ya səbəbi bilinməyən qanaxma müşahidə edən hər kəs dərhal ən yaxın tibb müəssisəsinə müraciət etməlidir.

Konqo Demokratik Respublikasında may ayında başlayan hazırkı Ebola epidemiyasına nisbətən nadir rast gəlinən Bundibugyo növü səbəb olub. Bu növə qarşı hazırda təsdiqlənmiş vaksin və ya müalicə yoxdur, lakin klinik sınaqlar davam edir.Xəstəliyin aşkarlanması üçün bir neçə fürsət əldən verilib

Konqo Demokratik Respublikası may ayında Ebola epidemiyasının başladığını elan etdikdən qısa müddət sonra virus Uqandada da qeydə alınıb və burada iki nəfər həyatını itirib.

Lakin Ümumdünya Səhiyyə Təşkilatı (ÜST) avqust ayında Uqandanın Ebola virusundan azad olduğunu elan edib.Afrikanın aparıcı ictimai səhiyyə qurumu olan Afrika Xəstəliklərə Nəzarət və Profilaktika Mərkəzləri Keniyada vəfat edən xəstənin ölümündən əvvəlki altı həftə ərzində hərəkət marşrutunu araşdırıb.

Araşdırma göstərib ki, kişi ilk dəfə 15 sentyabrda Konqo Demokratik Respublikasında özünü pis hiss etməyə başlayıb. Həmçinin xəstəliyin aşkarlanması üçün bir neçə imkanın əldən verildiyi müəyyən olunub. O, Konqoda bir neçə dəfə tibb müəssisəsinə müraciət etsə də, infeksiya həmin vaxt aşkar edilməyib.Daha sonra o, Uqanda üzərindən Keniyaya getməyi bacarıb və hava limanlarında aparılan yoxlamalar zamanı da xəstə olduğu müəyyən edilməyib.

Səhiyyə ekspertləri hesab edirlər ki, bu hadisə yalnız temperatur ölçülməsinə və insanların öz sağlamlıq vəziyyətləri barədə verdikləri məlumatlara güvənməyin məhdudiyyətlərini göstərir.

BBC XƏBƏR

Səkinəbəyim Cəfərova