Filippində Betti qasırğası: Minlərlə insan təxliyə edildi

Filippində Betti qasırğası səbəbindən minlərlə insan evlərindən təxliyə edilərkən, güclü külək uçuşlarda fasilələrə səbəb olub.

İnformator.az TRT Haber-ə istinadən xəbər verir ki, Milli Fəlakət Riskinin Azaldılması və İdarəetmə Şurasının verdiyi açıqlamada sürəti saatda 185 kilometrə çatan qasırğanın 11 mindən çox insanın həyatına mənfi təsir göstərdiyi, 5 mindən çox nəfərin təxliyə edildiyi bildirilib.

Açıqlamada Betti qasırğasının ölkənin müxtəlif bölgələrində təsirini davam etdirdiyi, hazırda 3483 nəfərin müvəqqəti sığınacaqlarda qaldığı qeyd olunub.

Qeyd edək ki, Filippində hər il orta hesabla 20 tufan və tayfun baş verir.

Sayad