"Fənərbaxça"ya Tomas Partey təklifi

"Fənərbaxça" yarımmüdafiə xəttini gücləndirməyi planlaşdırır. Sebastyan Şimanski və Sofyan Amrabatla yollarını ayırmaq ehtimalı rəhbərliyi axtarışlara sövq edib. Gündəmə gələn son ad isə Tomas Parteydir.

Qanalı futbolçunu idarəçilər “Fənərbaxça”ya təklif edib. Futbolçu ilə bağlı hələ qərar verilməyib.

Partey bu mövsüm "Arsenal"ın heyətində 52 oyun keçirib. Ardıcıl oyunu ilə diqqət çəkən qanalı yarımmüdafiəçi bu oyunların 45-nə start 11-də çıxıb. 4 dəfə toru silkələyən Partey 2 qol ötürməsi edib.

İngiltərə mətbuatında çıxan xəbərlərə görə, 32 yaşlı futbolçu "Arsenal"la müqaviləsini yeniləməyəcək.