Fransa bıçaqlı hücumunda terror sübutu tapılmadı

Bu gün Fransada baş verən bıçaqlı hücumda heç bir terror sübutunun olmadığı açıqlanıb.

İnformator.az TRT Haber-ə istinadən xəbər verir ki, səhər saatlarında Fransanın Ansi şəhərindəki parkda törədilən bıçaqlı hücumda hələ də terror dəlillərinin tapılmadığı bildirilib. Baş nazir Borne də hücumda biri ingilis, biri alman olmaqla 4 uşağın, ümumilikdə 6 nəfərin yaralandığını, yaralı uşaqların vəziyyətinin ağır olduğunu bildirib.

Borne qeyd edib ki, şübhəli bilinən şəxs İsveçdə qaçqın statuslu suriyalı olub. Digər tərəfdən Fransa mətbuatında polis mənbələrinə əsaslanan xəbərlərdə 1991-ci il təvəllüdlü şübhəlinin xristian olduğu və hücum zamanı ingiliscə iki dəfə "İsa Məsihin adı ilə" qışqırdığı bildirilib.

Aydan