İngiltərədə XƏBƏRDARLIQ: Bu yay isti hava riski normadan iki dəfə çox ola bilər

Qlobal istiləşmənin təsiri ilə İngiltərədə bu yay yüksək temperatur riskinin normadan iki dəfə yüksək olacağı proqnozlaşdırılır.

İnformator.az xarici mediaya istinadən xəbər verir ki, İngiltərədə 2023-cü ilin ən yüksək temperatur göstəricisi iyunun 10-da qeydə alınıb. İyul və avqust ayları da daxil olmaqla yay fəsli ərzində istiləşmə riskinin orta səviyyədən iki dəfə çox olacağı ehtimal edilir. 

Meteoroloqlar Böyük Britaniyanın keçən il rekord temperaturu olan 40,3-ün bu il yeniləcəyinə dair ciddi ehtimalları olmasa da, bu halın normaya çevrilə biləcəyi qənaətindədirlər.