İsrail "sarı xətti" keçənləri zərərsizləşdirib

İsrail Müdafiə Qüvvələri Qəzza zolağında "sarı xətti" keçməyə cəhd edən döyüşçüləri zərərsizləşdirib.

"İnformator.az" xəbər verir ki, bu barədə ordunun mətbuat xidməti məlumat yayıb.

"İsrail Müdafiə Qüvvələri bu gün Qəzza zolağının şimalında atəşkəs xəttini keçən bir neçə döyüşçüyə aviazərbələr endirib", - məlumatda deyilir.

İMQ-nin məlumatına görə, üç ayrı insident zamanı bir neçə nəfər "sarı xətti" keçərək Qüds briqadası və "Qəzza" diviziyasının Şimal briqadasının mövqelərinə yaxınlaşıb və təhlükə yaradıb.