İtaliyada daşqınlar can aldı

İtaliyanın mərkəzi şimal hissəsində Emilia Romagna bölgəsində güclü yağışlardan sonra baş verən daşqınlarda ən azı 3 nəfərin öldüyü bildirilib.

İnformator.az xəbər verir ki, İtaliyanın dövlət televiziyası Rainews24 xəbər kanalının xəbərində dünəndən etibarən Emilia Romagna bölgəsini ciddi şəkildə təsir edən sel fəlakətində ən az 3 nəfərin həyatını itirdiyi, 3 nəfərin isə itkin düşdüyü bildirilib. 

Şiddətli yağışlar nəticəsində bölgədəki 14 çay və dərənin daşdığı, Faenza, Çesena və Rikçione kimi şəhərlərdə küçələrin sel suları ilə dolduğu bildirilib. Rayonda rabitədə ciddi problemlər yarandığı, bir çox yerlərdə elektrik enerjisinin kəsildiyi, vəziyyətin kritik olduğu bəzi yerlərdə məktəblərdə tədrisin dayandırıldığı əlavə olunub.