Jurnalistika fakültəsinin tələbələri ilk dərsi Zərdabidən "alıblar"

   Bakı Dövlət Universiteti Jurnalistika fakültəsinin tələbə-müəllim kollektivi hər il olduğu kimi bu il də Fəxri Xiyabanda olub.

   Hər il ənənəvi olaraq fakültə rəhbərliyinin təşkil etdiyi ziyarətə birinci kurs tələbələri cəlb edilib. Fakültə dekanı, professor-müəllim heyəti tələbələrə Azərbaycan Milli Mətbuatının banisi Həsən bəy Zərdabinin həyat və yaradıcılığından bəhs edib.

Qeyd olunub ki, Həsən bəy Zərdabi Azərbaycan mətbuatının mayakıdır və Azərbaycan jurnalistləri onun yolunun davamçılarıdır. Jurnalisika faküültəsinin 1-ci kurs tələbələri seçimlərində yanılmadıqlarını bildirdikdən sonra Zərdabiyə onun ənənələrini qoruyacaqlarına söz veriblər. 

   Sonda xatirə fotosu çəkilib.