Məktəblərdə yeni təhlükəsizlik dövrü: Çoxqatlı “qoruma qalxanı” tətbiq olunur

 

Daxili İşlər Nazirliyi 81 il valiliyinə göndərdiyi ümumi göstərişlə məktəblərdə yalnız fiziki təhlükəsizlik deyil, həm də kibermühit və psixososial riskləri əhatə edən “çoxqatlı” yeni təhlükəsizlik strategiyasını həyata keçirməyə başlayıb.

"İnformator.az" "TRT Haber"ə istinadla xəbər verir ki, Nazirlik uşaqların təhsil prosesini hər cür riskdən uzaq, təhlükəsiz mühitdə davam etdirə bilmələri üçün hazırlanmış “Məktəb və ətraf mühitin təhlükəsizlik tədbirləri” adlı sənədi 81 il valiliyinə təqdim edib.

Göstərişə əsasən, məktəb təhlükəsizliyi artıq yalnız fiziki tədbirlərlə məhdudlaşmayacaq; rəqəmsal mühit, sosial uyğunlaşma problemləri və erkən xəbərdarlıq mexanizmlərini də əhatə edən geniş risk idarəetmə modelinə keçid ediləcək.