Müttəfiqlərimiz bu müharibəni dayandırmaq istəmir

ABŞ-nin NATO müttəfiqlərində Ukraynadakı münaqişədə hərbi əməliyyatların tezliklə dayandırılmasını təmin etmək üçün siyasi iradə yoxdur. Xüsusilə alyansın avropalı üzvləri öz qoşunlarının bu ölkənin ərazisində yerləşdirilməsini istəmirlər.

"İnformator.az" "Axar.az"a istinadən xəbər verir ki, bunu ABŞ-nin NATO-dakı daimi nümayəndəsi Metyu Uitaker deyib:

“Aşkar, lakin nəzərə alınmayan bir fakt var. Müttəfiqlərimiz arasında bu müharibəni dayandırmaq məqsədilə lazımi addımları atmaq üçün heç bir siyasi iradə yoxdur. Bütün NATO müttəfiqlərimiz bunu etmir. Və daha çox şey edilə bilər, daha çox. Avropa (Ukraynada) əsgər yerləşdirə bilər, lakin heç kim bunu etmək istəmir və bu, indiki vəziyyətimiz baxımından məyusedicidir”.

O, ABŞ-nin Avropadakı müttəfiqlərinin alyansın təhlükəsizliyinin möhkəmləndirilməsi və Ukraynada sülhün əldə olunması baxımından qətiyyətsizliyinə işarə edib:

“Bir tərəfdən Avropa dövlətləri müdafiə xərclərini ümumi daxili məhsulun 5%-ə çatdırmağa razılaşsa da, digər tərəfdən ABŞ-yə baxmağa və yalnız ondan qətiyyətli addımlar gözləməyə davam edir".