Meksikada yük maşınında 129 qeyri-qanuni miqrant tapıldı

Meksikanın Verakruz əyalətində 129 miqrantın insan qaçaqmalçıları tərəfindən aldadılaraq yük maşını ilə daşındığı müəyyən edilib.

İnformator.az TRT Haber-ə istinadən xəbər verir ki, San İsidro qəsəbəsində müntəzəm yoxlama aparan polis miqrantların yük maşınında daşındıdığını aşkarlayıb. Qvatemala, Honduras, El Salvador və Hindistandan olduğu bildirilən 129 miqrant təhlükəsizlik qüvvələri tərəfindən himayə altına alınıb.

Bildirilib ki, miqrantlar arasında 19 azyaşlı uşaq da var. Onlar Dövlət Uşaq və Yeniyetmələrin Müdafiəsi Prokurorluğuna təhvil verilib. Polis insan alverçiləri ilə əməkdaşlıq etməkdə şübhəli bilinən 4 nəfəri saxlayıb.