Polşa Prezidenti Almaniyadan reparasiya tələb edib

Polşanın Vesterplatt yarımadasında İkinci Dünya müharibəsinin başlanmasının 86-cı ildönümünə həsr olunmuş mərasim keçirilib. İkinci Dünya müharibəsinin başlanmasının ildönümündə Polşa Prezidenti Karol Navrotski bildirib ki, Almaniya nasist işğalı illərində vurulan ziyanın əvəzini Polşaya ödəməlidir.

Navrotskinin sözlərinə görə, bu edilmədən iki ölkə arasında həqiqətən dost qonşuluq münasibətləri qurmaq mümkün olmayacaq.

Polşa liderinin sözləri Vesterplatt yarımadasında keçirilən mərasim zamanı səsləndirilib; elə bu yerdə İkinci Dünya müharibəsinin ilk atəşləri açılmışdı. Yaddaş tədbirində həmçinin Baş nazir Donald Tusk, Sejm spikeri Şimon Qolovnya, Milli Müdafiə naziri Vladislav Kosinyak-Kamış və digər Polşa hakimiyyəti nümayəndələri iştirak ediblər.

Euronews

Fatimə Heydərova