QHT “Mənim təhlükəsiz virtual məkanım” layihəsinə start verdi

Quba Regional Qeyri-Hökumət Təşkilatlarının Resurs və Təlim Mərkəzi ictimai birliyi,  Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin dəstəyi ilə Quba-Xaçmaz regionunda “Mənim təhlükəsiz virtual məkanım” layihəsinin həyata keçirir.

Quba Regional Qeyri-Hökumət Təşkilatlarının Resurs və Təlim Mərkəzi ictimai birliyi Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin  qrant proqramı çərçivəsində maliyyələşdirilən “Mənim təhlükəsiz virtual məkanım” layihəsinin icrasına başlanılmışdır. Layihənin əsas məqsədi Quba-Xaçmaz regionunda son vaxtlar geniş yayılan sosial şəbəkələr üzərindən milli maraqlara təhdid yaradan insan alveri cinayəti, məişət zorakılığı, əməyin istismarı, narkotiklərdən istifadə  hallarının azaldılmasına nail olmaq və  müxtəlif qlobal güclər tərəfindən gənclər arasında  təbliğ edilən qeyri ənənvi münasibətlərin qarşının alınmasıdır. Layihə şimal bölgəsinin altı rayonunu; Quba, Xaçmaz, Qusar, Şabran və Siyəzən rayonların əhatə edəcəkdir. Layihə çərçivəsində əhali arasında maarifləndirmə işləri aparılacaq və eyni zamnda müvafiq icrahakimiyyəti orqanları, ictimai təşkilatlar və bələdiyylərin iştirakı ilə ictimai dinləmələr təşkil ediləcəkdir. Layihə çərçivəsində irəli sürülən təklif və tövsiyyələr toplanaraq dövlərt qurumlarına təqdim ediləcəkdir.