Tehran küçələrində sakit dəyişiklik
İranın paytaxtı Tehranda qadınlara motosiklet vəsiqəsinin qadağan edilməsinə baxmayaraq, yerlərdə qaydalar yumşaldılmağa başlayıb. Qadın motosikletçilər polisin və cəmiyyətin keçmişə nisbətən daha anlayışlı olduğunu, cərimələrin və nəqliyyat vasitələrinin müsadirəsinin azaldığını, qadın sürücülərə cəmiyyətdə qəbul və hörmətin durmadan artdığını deyirlər.
İranın paytaxtı Tehranda motosiklet sürmək qanunla açıq şəkildə qadağan edilməsə də, qadın sürücülərə motosiklet vəsiqəsinin verilməsindən imtina uzun müddətdir faktiki maneə olub. Nəticədə, motosiklet sürən qadınların çoxu cərimələnib, hətta avtomobilləri müsadirə olunub. Bununla belə, son təcrübələr tədricən dəyişir.
Motosiklet sürən iranlı qadınlar deyirlər ki, lisenziyaları olmasa da, artıq küçələrdə daha rahat hərəkət edə bilirlər. Qadın sürücülər qeyd edirlər ki, həm polis, həm də cəmiyyət keçmişlə müqayisədə daha anlayışlıdır. Onlar həmçinin qadın motosikletçilərə sosial hörmətin artdığını vurğulayırlar.
Bir qadın motosiklet yarışçısı bu sahədəki dəyişikliyi bu sözlərlə izah edib:
"Bu idman İranda ümumiyyətlə kişilərin üstünlük təşkil etdiyi idman növü hesab olunur, lakin bu, mənim ən böyük həvəslərimdən biridir. Qadınların da bu sahədə uğur qazana biləcəyini göstərmək istədim. Ən mühüm inkişaf cəmiyyətin dünyagörüşünün həqiqətən dəyişdiyidir. Əvvəllər bu, heç vaxt qəbul olunmurdu. İndi küçələrdə motosiklet sürən qadınları görəndə məni çox sevindirir. İndi motosikletlər müsadirə olunsa da, maşınlar daha qısa müddətdə geri qaytarılır”.
Digər qadın sürücü isə polisin və cəmiyyətin münasibətinin dəyişməsinə diqqət çəkərək bunları deyib:
"İndi onların polis maşınlarının yanından keçərkən daha nəzakətli olduqlarını müşahidə edirəm. İnsanlar da əvvəlkindən daha anlayışlıdır. Mənim izlənilmək və ya təqib olunmaq qorxum azalıb. Qadınların daha çox motosiklet sürməsi ilə şəhər daha yaşana bilən bir yerə çevrilir və hörmət artır".
Qadın sürücülər deyirlər ki, bütün maneələrə baxmayaraq, küçələrdə görünmək həm özləri, həm də İran cəmiyyətinin gələcəyi üçün mühüm transformasiyaya işarədir.
Aydan Əsgərxanlı
CNN Türk
