“Ukrayna ilə bağlı ABŞ ilə əlaqələrə hazırlaşırıq”

Kremlin sözçüsü Dmitri Peskov bildirib ki, Rusiya ABŞ-nin Avropa və Ukrayna rəsmiləri ilə keçirdiyi görüşlərlə bağlı Vaşinqton administrasiyası ilə əlaqələrə hazırlaşır.

Peskov paytaxt Moskvada jurnalistlərin cari məsələlərlə bağlı bəzi suallarını cavablandırıb. ABŞ və Rusiya rəsmilərinin tezliklə Mayamidə görüş keçirəcəyi xəbərini şərh edən Peskov deyib: "Həqiqətən də, ABŞ-nin avropalılar və ukraynalılarla gördüyü işlərin nəticələri barədə məlumat almaq üçün amerikalı həmkarlarımızla müəyyən əlaqələrə hazırlaşırıq".
Venesuelanın şimal sahillərində ABŞ hərbi mövcudluğunun artması və bölgədə gərginliyin artması ilə bağlı Peskov deyib: "Latın Amerikası bölgəsində gərginliyin artdığını görürük və bunu potensial olaraq çox təhlükəli hesab edirik".Bölgədəki ölkələri təmkinli davranmağa çağıran Peskov deyib: "Venesuela bizim müttəfiqimiz, tərəfdaşımızdır. Ən yüksək səviyyədə də daxil olmaqla, daimi əlaqələrimiz var".

S-400-lərin qaytarılması müzakirə olunmayıb.Peskov həmçinin qeyd edib ki, Prezident Rəcəb Tayyib Ərdoğan və Rusiya Prezidenti Vladimir Putin arasında keçirilən son görüşdə S-400 hava hücumundan müdafiə sistemləri gündəmdə olmayıb.

TRT Xəbər
Xədicə Məhərrəmli