Xəzərdəki Rusiya enerji infrastrukturuna zərbə endirilib

Ukrayna PUA-ları Xəzər dənizindəki Rusiya neft hasilatı platformalarına zərbə endiriblər.

"İnformator.az" "Axar.Az"a istinadən xəbər verir ki, bu barədə "RBK-Ukraina" mənbələrə istinadən məlumat yayıb.

Məlumata görə, PUA-lar "Lukoyl-Nijnevoljskneft" şirkətinin Korçagin yatağındakı platformasını vurub. Hücum nəticəsində avadanlıq zədələnib və obyektin istehsal prosesi dayandırılıb.

Rusiya MN bu gün yaydığı açıqlamada Xəzər dənizi üzərində PUA vurulduğunu bildirib. Qeyd edək ki, bu, bir həftə ərzində Xəzərdəki platformaya üçüncü zərbədir.