Zelenski: Cəbhə üçün daha yeni və güclü silahlar əldə olunub
Ukrayna prezidenti Volodimir Zelenski sosial media hesabında son 3 gündə İtaliya, Almaniya, Fransa və İngiltərəyə etdiyi səfərlərin nəticələri ilə bağlı paylaşım edib.
İnformator.az xəbər verir ki, Zelenski bildirib ki, ölkəsinin sülh formulu son xarici səfərlər zamanı keçirilən bütün görüşlərdə müzakirə olunub.
Yeni müdafiə yardım paketləri ilə ölkəsinə qayıtdığını qeyd edən Zelenski cəbhə üçün daha yeni və güclü silahların əldə olunduğunu bildirib.
Səfərləri zamanı keçirdiyi bütün görüşlərdə Ukraynanın "sülh formulu”nun müzakirə edildiyini qeyd edən Zelenski deyib: "İndi tərəfdaşlar arasında bizim sülh düsturumuza əməl etməyə daha çox istək var”.
