Zelenski Ərdoğanla görüşəcək

Ukrayna prezidenti Zelenski sabah İstanbula gəlir. Prezident Ərdoğan ilə Zelenski arasında görüş keçiriləcək.

İnformator.az CNN Türk-ə istinadən xəbər verir ki, heyətlər arasında təkbətək görüşlərdə Rusiya-Ukrayna müharibəsi və Türkiyə-Ukrayna münasibətləri müzakirə olunacaq.

İki lider taxıl dəhlizi sazişini də müzakirə edəcək. BMT və Türkiyənin vasitəçiliyi ilə imzalanmış taxıl dəhlizi sazişinin müddəti iyulun 17-də başa çatacaq.

Rusiya-Ukrayna müharibəsi səbəbindən “ərzaq böhranı” riskini aradan qaldırmaq üçün yaradılan müqavilənin müddəti indiyədək 3 dəfə uzadılıb, sonuncusu isə bu ilin mayında olub.

Fatimə Mustafayeva