Baş nazirdən “Azərenerji” prezidenti vəzifəsi ilə bağlı-Qərar

Bölmə: Sosial › ,
Tarix: 17:33 24.04.2025

“Azərenerji”nin prezidenti vəzifəsi İdarə Heyətinin sədri vəzifəsinə çevrilib.

“İnformator.az” xəbər verir ki, bununla bağlı Baş nazir Əli Əsədov Qərar imzalayıb.

Qərarda qeyd olunub ki, ASC-nin ali idarəetmə orqanı onun ümumi yığıncağıdır. Cəmiyyətin fəaliyyətinə cari rəhbərliyi kollegial icra orqanı olan İdarə Heyəti həyata keçirəcək.

İdarə Heyəti 3 üzvdən – Prezidentin vəzifəyə təyin etdiyi və vəzifədən azad etdiyi İdarə Heyətinin sədri və onun iki müavinindən ibarətdir. Cəmiyyətin yenidən təşkili və ya ləğvini Prezident həyata keçirir. İdarə Heyətinin sədri müvəqqəti olmadıqda, onun səlahiyyətlərinin icrasını İdarə Heyəti sədrinin müəyyən etdiyi müavinlərindən biri həyata keçirir.