Papanın dəfnində hücumdan qorxublar...
Bölmə: Dünya ›
,
Tarix: 00:13 01.05.2025
Vatikan hakimiyyəti Roma Papası Fransiskin dəfn mərasimi zamanı dron hücumundan ehtiyat edib.
“İnformator.az” xəbər verir ki, bu barədə “National Interest” jurnalı mənbələrə istinadən məlumat yayıb.
“Papanın dəfn mərasimi zamanı hava təhdidlərinin qarşısını almaq üçün Vatikanın hava məkanı bağlanıb”, - məqalədə qeyd olunub.
Həm Vatikanda, həm də Romada PUA əleyhinə silahları olan əsgərlər də daxil olmaqla minlərlə hərbçinin xidmətdə olduğu qeyd edilir.
Nəşrin yazdığına görə, hakimiyyət ən çox ciddi öldürücü gücə malik kiçik dronların hücumundan qorxub.
Xatırladaq ki, Roma Papası Fransisk aprelin 21-də 88 yaşında dünyasını dəyişib. O, aprelin 26-da dəfn edilib.
