İqlim dəyişikliyi Alp dağlarında buzlaqların 46 faizini əridə bilər!

İsveçrənin Lozanna Universiteti və Fransanın Qrenobl Universiteti tərəfindən Alp dağlarında buz həcminin gələcəyi ilə bağlı araşdırma dərc edilib.

Araşdırmaya görə, qlobal temperaturun artmasının dayanacağı ən optimist ssenaridə 2050-ci ilə qədər Avropa Alp dağlarında buzun ən azı 34 faizi yox ola bilər.

Başqa bir hesablamaya görə, son 20 ildə buzlaqların ərimə tendensiyası davam edərsə, 2050-ci ilə qədər buzlaqların həcminin təxminən 46 faizi əriyə bilər.

Son 10 ilin məlumatlarına əsaslansaq, bu nisbət yüzdə 65-ə qədər arta bilər.

Tədqiqatda fikirləri yer alan Lozanna Universitetinin müəllimi Samuel Cook, buzlaqlarla bağlı mövcud vəziyyətin daha da pis ola biləcəyinə diqqət çəkib.

Mənbə: TRThaber

Tərcümə etdi: Banuçiçək Kalbalıyeva