İran mediası İsrailin nüvə layihələri ilə bağlı gizli sənədləri yayımlayıb

İranın mətbuat orqanları İsrailə aid gizli sənədlərin ilk hissəsini dərc edib.

“İnformator.az”ın verdiyi məlumata görə, İran kəşfiyyatı tərəfindən ələ keçirilmiş bu sənədlərdən təxminən 1000-ə yaxını İsrailin nüvə proqramları ilə əlaqəlidir.

Yayımlanan materiallara əsasən, Beynəlxalq Atom Enerjisi Agentliyinin (BAEA) baş direktoru Rafael Qrossi İran əleyhinə İsrail rejimi ilə tam əməkdaşlıq edib və Təl-Əvivin bütün göstərişlərini yerinə yetirib.

Qeyd edək ki, İran KİV-ləri gizli sənədlərinin əldə edilməsi barədə hələ iyunun 7-də yazmışdı. O zaman informasiya naziri İsmail Xatib sənədləri ölkənin hücum potensialını gücləndirməyə imkan verəcək "kəşfiyyat məlumatlarının bütöv bir xəzinəsi" adlandırıb.