İranın müdafiə naziri Trampın təhdidinə reaksiya verib

İranın müdafiə naziri Aziz Nasirzade ABŞ prezidenti Donald Trampın nüvə razılaşması olmadığı təqdirdə İrana hücum edəcəyi ilə bağlı təhdidləri ilə bağlı deyib:

“Ümid edirəm ki, danışıqlar uğurla nəticələnəcək, lakin uğursuzluqla nəticələnsə və qarşıdurma bizim üzərimizə sırılarsa, qarşı tərəfin itkiləri mütləq bizimkindən çox olacaq”. 

Paytaxt Tehranda keçirilən Nazirlər Kabinetinin iclasından sonra açıqlama verən Nəsirzadə ABŞ prezidenti Trampın nüvə razılaşması olmadığı təqdirdə İrana hərbi hücum edəcəkləri ilə bağlı təhdidini dəyərləndirib. 

ABŞ-lə nüvə müzakirələrinin uğurlu olacağına ümid etdiklərini ifadə edən Nəsirzadə, "ABŞ danışıqlar uğursuz olarsa, münaqişə və qan tökülməsi ilə hədələyir. Ümid edirəm ki, danışıqlar uğurla nəticələnəcək, amma uğursuzluğa düçar olarsa və qarşıdurma bizim üzərimizə qoyularsa, qarşı tərəfin itkiləri mütləq bizimkindən çox olacaq",-dedi. 

ABŞ-nin bölgədəki bütün bazalarının İranın hücum dairəsində olduğunu bildirən Nəsirzadə, "Əgər bu baş verərsə, ABŞ bölgəni tərk etməlidir, çünki biz çəkinmədən bölgədəki bütün Amerika bazalarını hədəf alacağıq",-  ifadələrdən istifadə etdi.

İran və ABŞ arasında nüvə danışıqları prosesi davam edərkən, ABŞ prezidenti Tramp danışıqların razılaşma ilə nəticələnməyəcəyi təqdirdə "İranı əvvəllər heç vaxt görülməmiş bir şəkildə bombalayacaqlarını",- söylədi.

Mənbə: TRT Haber

Xədicə Məhərrəmli