Malayziya-ABŞ ticarət razılaşması mübahisə doğurub

Malayziya hökuməti ABŞ-lə imzaladığı yeni ticarət sazişini müdafiə etməyə məcbur qalıb. Tənqidçilər bildirirlər ki, bu müqavilə ölkənin suverenliyini zəiflədə və onu ABŞ-nin iqtisadi mövqelərinə tabe edə bilər.

Keçmiş baş nazir Mahathir Məhəmməd müqaviləni “müstəqilliyin təhvil verilməsi” kimi qiymətləndirib. Onun sözlərinə görə, Malayziya ABŞ-nin təyyarə və texnika alışına, rəqəmsal qaydalarına əməl etməyə, nadir mineralların tədarükündə ABŞ-yə üstünlük verməyə məcbur olur.

Sazişə əsasən, Malayziya bəzi ABŞ məhsullarına tətbiq olunan tarifləri azaldacaq. ABŞ isə Malayziya məhsullarına 19% tarifləri saxlayacaq, yalnız müəyyən mallara 0% tarif tətbiq ediləcək.

Ən çox müzakirə olunan maddə isə Malayziyanın üçüncü ölkələrə qarşı ABŞ-nin sanksiya siyasətinə uyğunlaşmalı olmasıdır. Müxalifət bildirir ki, bu hal Malayziyanı Çin və Rusiya kimi əsas tərəfdaşları ilə əlaqələrdə çətin vəziyyətə sala bilər və ölkənin uzun illər qoruduğu neytrallığı poza bilər.

Hökumət isə sazişin iqtisadi imkanları artıracağını bildirir və müqaviləni bir tərəfli ləğv etməyin mümkün olduğunu vurğulayır. Saziş gələn həftə parlament komitəsində yenidən müzakirə olunacaq.

The Guardian
Eslanda Kulieva