Türkiyədə Ar-Ge və innovasiya üçün yeni “yol xəritələri” hazırlanacaq

Türkiyədə elm, texnologiya və innovasiya sahəsində effektiv ekosistem qurmaq məqsədilə kritik tədqiqat və inkişaf sahələri üçün “yol xəritələri” hazırlanacaq. Bu barədə məlumat 2026-cı il Prezidentlik İllik Proqramında yer alıb.

Yeni strategiya çərçivəsində universitetlərin elmi-tədqiqat potensialı gücləndiriləcək, fundamental elmlərdə ixtisaslaşmış tədqiqatçıların sayının artırılması və R&D infrastrukturlarının inkişafı planlaşdırılır.

Milli “Araşdırma İnfrastruktur Yol Xəritəsi” sənədi hazırlanacaq və yaşıl transformasiyaya dəstək məqsədilə “İstehsalın Yol Xəritələri” və “İstehsal Proqramları” tətbiq ediləcək.

İnnovativ sahibkarlığın gücləndirilməsi üçün vençur kapitalı fondlarının resursları artırılacaq, “Technopreneurship” nişanı ilə texnologiya yönümlü startaplara dəstək veriləcək. Bundan başqa, startapların yaradılması prosesini asanlaşdıran rəqəmsal sistem istifadəyə veriləcək.

Strateji sahələrdə  sağlamlıq, çip, süni intellekt və kosmos texnologiyalarında tədqiqatlar genişlənəcək. Çip istehsalı və dizayn imkanları artırılacaq, “Ay Missiyası Layihəsi” çərçivəsində hazırlanan kosmik gəmi buraxılışa hazır vəziyyətə gətiriləcək.

Yeni proqramla Türkiyə yüksək texnologiya və innovasiya sahələrində beynəlxalq rəqabət gücünü artırmağı hədəfləyir.

TRT Haber

Aişə Mustafayeva