Tehran Trampın müharibə hədəsinə reaksiya verib

İranın Müdafiə naziri Əziz Nasırzadə ABŞ Prezidenti Donald Trampın nüvə sazişi olmadığı təqdirdə İrana hücum edəcəkləri ilə bağlı hədələrinə münasibət bildirib: “Danışıqların uğurla nəticələnəcəyinə ümid edirəm, lakin uğursuz olarsa və bizə münaqişə məcbur edilərsə, qarşı tərəfin itkiləri bizimkindən daha çox olacaq”.

Paytaxt Tehranda keçirilən Nazirlər Kabinetinin iclasından sonra açıqlama verən Nasırzadə, ABŞ Prezidenti Trampın nüvə sazişi əldə olunmazsa İrana hərbi hücumla bağlı təhdidini dəyərləndirib.

Nasırzadə bildirib: “ABŞ danışıqlar uğursuz olarsa, münaqişə və qan tökülməsi ilə hədələyir. Danışıqların uğurlu olmasını istəyirik, lakin əgər uğursuzluq olarsa və bizə qarşı müharibə dayandırılarsa, şübhəsiz ki, qarşı tərəfin itkiləri bizimkindən daha çox olacaq”.

ABŞ-nin regiondakı bütün bazalarının İranın raket zərbəsi məsafəsində olduğunu bildirən Nasırzadə deyib: “Əgər belə bir vəziyyət baş verərsə, ABŞ bölgəni tərk etməlidir, çünki tərəddüd etmədən bölgədəki bütün Amerika bazalarını hədəfə alacağıq”.

İranla ABŞ arasında nüvə danışıqları davam edərkən, ABŞ Prezidenti Tramp danışıqlar razılaşma ilə nəticələnməsə, İranı “indiyə qədər görünməmiş şəkildə bombalayacaqlarını” bildirib.

Mənbə: TRT HABER
Solmaz Muradova