Tesla səhmdarları Maskın 1 trilyon dollarlıq əməkhaqqı paketini təsdiqləyib

Teslanın rəhbəri İlon Mask dəyəri təxminən 1 trilyon dollar (760 milyard funt sterlinq) ola biləcək rekord əməkhaqqı paketini səhmdarların təsdiqini alıb.

Bu misilsiz razılaşma səslərin 75%-i ilə qəbul edilib və cümə axşamı şirkətin illik ümumi yığıncağında iştirakçılar böyük alqışlarla qarşılayıb.

Artıq dünyanın ən varlı adamı olan Mask, bu paketə sahib olmaq üçün növbəti 10 il ərzində elektrikli avtomobil istehsalçısı olan Tesla-nın bazar dəyərini kəskin şəkildə artırmalıdır. O, şirkətin müəyyən hədəflərə çatmasına nail olarsa, yüz milyonlarla yeni səhm ilə mükafatlandırılacaq.

Potensial ödənişin miqyası tənqidlərə səbəb olsa da, Tesla rəhbərliyi bildirib ki, əgər paket təsdiqlənməsəydi, Mask şirkətdən gedə bilərdi və Tesla onu itirməyi gözdən keçirə bilməzdi.

BBC 

Səadət Əlizadə