Trampdan təhlükəli açıqlama!!

ABŞ Prezidenti Donald Tramp, Nyu-Yorkun yeni meri Zohrán Mamdaninin seçkidən sonra etdiyi çıxışa reaksiya verib. Mamdaninin “Bizdən birinə çatmaq üçün hamımızı aşmalı olacaqsınız” sözlərini Tramp “çox təhlükəli bir açıqlama” adlandırıb və deyib: “Vaşinqtona bir az hörmət göstərməsi lazımdır. Çünki hörmət göstərməsə, uğurlu olmaq şansı yoxdur".

ABŞ Prezidenti Donald Tramp, Nyu-York meri seçkilərini qazanan Demokrat namizəd Zohrán Mamdani barədə “Düşünürəm ki, mənə yaxşı davranmalıdır. Çünki ona gələn bir çox şeyi təsdiqləmək məcburiyyətində olan mənəm, buna görə də pis bir başlanğıc edib”,- deyib.

Mamdani çıxışında ona ünvanladığı “Bizdən birinə çatmaq üçün hamımızı aşmalı olacaqsınız” ifadəsini “çox təhlükəli bir açıqlama” kimi qiymətləndirən Tramp əlavə edib:

“Vaşinqtona bir az hörmət göstərməsi lazımdır. Çünki hörmət göstərməsə, uğurlu olmaq şansı yoxdur və mən onun uğurlu olmasını istəyirəm, şəhərin uğurlu olmasını istəyirəm. Mən onu uğurlu etmək istəmirəm, şəhəri uğurlu etmək istəyirəm və nələrin baş verəcəyini görəcəyik. Yeni merin uğurlu olmasını istəyirəm, çünki Nyu-Yorku sevirəm. Mən Nyu-Yorku həqiqətən sevirəm".

Rəsmi olmayan nəticələrə görə, 34 yaşlı Uqanda mənşəli Mamdani “ABŞ-nin ən böyük şəhərinin başına keçən son yüz ildəki ən gənc və ilk müsəlman şəxs” olub. CBS News-un məlumatına əsasən, seçkidə 2 milyondan çox insan səs verib. Bu, “1969-cu ildən bəri qeydə alınan ən yüksək seçici fəallığı” olub.

Haberler.com

Aygün Babayeva