Ukraynada müharibə zamanı seçki çağırışı: Zelenskiyə meydan oxunur?

 

Ukraynanın keçmiş müdafiə naziri Mixail Fedorov ölkədə müharibə davam etdiyi bir vaxtda seçkilərin keçirilməsinə çağırış edib.

BBC-nin məlumatına görə, Fedorovun bu çağırışı Ukrayna Prezidenti Volodimir Zelenskiyə ciddi siyasi meydan oxuma kimi qiymətləndirilir.

Rusiyanın 2022-ci ildə Ukraynaya qarşı başlatdığı genişmiqyaslı müharibədən sonra ölkədə hərbi vəziyyət qüvvədədir. Bu səbəbdən Ukraynada seçkilərin keçirilməsi dayandırılıb.

Fedorov çərşənbə axşamı yayımladığı videomüraciətdə “Demokratiya Rusiya tərəfindən girov götürülə bilməz” deyib.

Bununla belə, müharibədən ciddi zərər çəkmiş Ukraynada azad və ədalətli seçkilərin necə keçirilə biləcəyi ilə bağlı bir sıra praktiki suallar qalır.

Fedorov hələlik prezident seçkilərində Volodimir Zelenskiyə qarşı namizəd olub-olmayacağını açıqlamayıb.

BBC-nin Kiyevdəki müxbiri Den Consonun məlumatına görə, məsələ Ukraynada siyasi gündəmin əsas mövzularından birinə çevrilə bilər.

BBC News

Süsən Mərdalıqızı