I Napoleonun qılıncı hərracda yüksək qiymətə satılıb

Bölmə: Dünya › ,
Tarix: 23:19 23.05.2025

Fransa imperatoru I Napoleonun qılıncı hərracda 4,7 milyon avroya satılıb.

 

"İnformator.az"  xəbər verir ki, Parisdə “Giquello” hərrac evinin keçirdiyi hərracda qılıncın 700 min - 1 milyon civarında satılacağı proqnozlaşdırılsa da, gözləntiləri alt-üst edib.

 

1802-ci ildə Napoleon Fransız Respublikasının birinci konsulu olduqdan sonra şəxsi istifadəsi üçün Versal istehsalat müəssisəsinin rəhbəri Nikola-Noel Buteyə xüsusi qılınc sifariş edib.

Hərrac evi qeyd edir ki, Napoleon imperator taxtına çıxdıqdan sonra da bu silahı hakimiyyətinin sonuna qədər saxlayıb.

Qeyd edək ki, I Napoleonun 1800-cü ildə İtaliyada Marenqo döyüşü zamanı istifadə etdiyi qılıncı isə 2007-ci ildə 4.8 milyon avroya satılıb.