Tramp İrana "son ultimatum" verib

Bölmə: Dünya › ,
Tarix: 20:12 18.06.2025

 

ABŞ Prezidenti Donald Tramp İrana qarşı "son ultimatum"la çıxış edib.

 

"İnformator.az"ın mk.ru-ya istinadən verdiyi xəbərə görə, bunu Ağ Evin rəhbəri jurnalistlərin suallarını cavablandırarkən deyib.

 

O, İran səmasının tamamilə ABŞ-nin nəzarətində olduğunu qeyd edərək, Yaxın Şərqdə çoxlu xoşagəlməz hadisələrin baş verə biləcəyini vurğulayıb.

 

"Bu, cəmi iki çox sadə sözdür - qeyd-şərtsiz kapitulyasiya. Sadə dillə desək, bu, o anlama gəlir ki, kifayətdir, təslim oluram, daha heç nə olmayacaq", - deyə Tramp izah edib.

O etiraf edib ki, İran bu təklifi rədd edərsə, ABŞ İranın hərbi və nüvə infrastrukturunu vura bilər.

 

ABŞ lideri Yaxın Şərqdə baş verənlərin fonunda gələn həftənin "böyük bir həftə olacağını" söyləyib.