Çin Rusiya təlimlərinə qatılıb

Bölmə: Dünya › ,
Tarix: 22:40 05.08.2025

Çin ilk dəfə sualtı qayığını Rusiyanın ev sahibliyi etdiyi dəniz təlimlərinə göndərib. Səssiz və çoxşaxəli dizel-elektrik sualtı qayığı Yapon dənizi və ətraf sularda keçirilən “Joint Sea-2025” adlı genişmiqyaslı hərbi manevrlərdə Rusiya donanması ilə birgə iştirak edir. Bu, iki ölkə arasında sualtı müharibə sahəsində artan strateji etimadın göstəricisi hesab olunur.

 

Bu ilki təlimlər əvvəlkilərdən daha mürəkkəbdir – sualtı qayıqlara qarşı mübarizə, axtarış-xilasetmə, koordinasiyalı raket zərbələri və dəniz nəzarəti missiyalarını əhatə edir. Çin və Rusiya hərbi əməkdaşlıqlarını ABŞ-nin İndo-Sakit okean bölgəsindəki təsirinə qarşı balans kimi təqdim edirlər.

 

Son aylarda Pekin və Moskva həm də Şərqi Çin dənizi və Yapon dənizi üzərində birgə hava patrulu keçirib, bu isə Yaponiya və Cənubi Koreya tərəfindən reaksiya ilə qarşılanıb. İlin əvvəlində Alyaska yaxınlığında keçirilən gözlənilməz birgə patrul isə ABŞ Hərbi Dəniz Qüvvələrinin cavabı ilə nəticələnib.

 

Ekspertlər bu əməkdaşlığın artıq yalnız səthdə deyil, sualtı və yüksək koordinasiyalı hərbi sahələri də əhatə etdiyini bildirirlər. Bu dinamika isə Şimali-Şərqi Asiyadan Arktikaya qədər təhlükəsizlik balansını dəyişmək gücünə malikdir.

 

ANEWZ 

Gülhüseynova Güllər