Elm İçində Doğulan Ömür – Professor Əkbər Əliyev

Bölmə: Sosial › ,
Tarix: 21:27 21.04.2025

21 aprel professor Əkbər Əliyevin vəfatının ildönümüdür.

 

"İnformator.az" xəbər verir ki, Azərbaycan elminin tanınmış siması, alim Əkbər Bayram oğlu Əliyev bir ömrünü elmin aydınlığına sərf etdi.

 

1950-ci illərin sonunda dünyaya gələn Əkbər müəllim uşaqlıqdan riyaziyyatın dəqiq dünyasına heyran idi. Bu sevgi onu Azərbaycan Dövlət Universitetinə, oradan isə Azərbaycan Milli Elmlər Akademiyasına apardı. Riyaziyyat və Mexanika İnstitutunda fəaliyyətə başlayan alim illər boyunca Azərbaycan elminə dəyərli töhfələr verdi.

 

O, təkcə tədqiqatçı deyildi – həm də yüzlərlə tələbəyə yol göstərən, elmi sevdirən əsl müəllim idi. Əkbər Əliyevin adı Azərbaycan riyaziyyat məktəbinin sütunlarından biri kimi qaldı.

 

Uzun sürən xəstəlikdən sonra, 21 aprel 2024-cü ildə bu böyük alim əbədiyyətə qovuşdu. Onun elmi irsi, dürüst xarakteri və müəllimlik ruhu isə daim yaşayacaq.

 

İşıqlı ruhun qarşısında baş əyirik, professor. Sən elmin səssiz qəhrəmanı oldun.

 

Nigar Həsənzadə