Prezident Ərdoğan “kabinet” iclasına sədrlik edəcək

Bölmə: Dünya › ,
Tarix: 13:11 16.06.2025

Prezident Rəcəb Tayyib Ərdoğanın sədrliyi ilə bu gün Prezident Kabinetinin iclası keçiriləcək. İclasda “Terrorsuz Türkiyə” prosesi başda olmaqla, daxili və beynəlxalq hadisələr müzakirə olunacaq.

Beştəpədə keçiriləcək toplantıya prezident Ərdoğan rəhbərlik edəcək. Nazirlər Kabineti oktyabr ayında başlayan və terror təşkilatı PKK-nın tərksilah edilməsi və məhv edilməsi qərarı ilə başa çatan “Terrorsuz Türkiyə” hədəfinin son mərhələsini qiymətləndirəcək.

 

Sahədən gələn hərbi və kəşfiyyat hesabatları əsasında terror təşkilatının tərksilah prosesi ilə bağlı atılacaq addımlar müzakirə ediləcək. İran və İsrail arasında hücumlar da masadadır. Xarici siyasətdə baş verənlər Nazirlər Kabinetinin digər gündəm maddəsidir.

 

İclasda son günlər İran və İsrail arasında qarşılıqlı hücumların bölgədə gərginliyi artırdığı və Türkiyənin bu hadisələrə diplomatik reaksiya verəcəyi də qiymətləndiriləcək. Prezident Ərdoğanın dünya liderləri ilə diplomatik əlaqələri və Türkiyənin bölgədəki rolu müzakirə olunacaq.

Son iqtisadi vəziyyət də qiymətləndiriləcək. Bundan əlavə, Nazirlər Kabinetinin iclasında Türkiyə iqtisadiyyatının mövcud vəziyyəti, inflyasiya hədəfləri və investisiya siyasətləri müzakirə olunacaq. Xüsusilə qarşıdan gələn pensiya və dövlət qulluqçularının maaşları artırılmamışdan əvvəl Nazirlər Kabinetinin qərarlarına diqqətlə əməl olunacaq.

TRT haber
Ayşən Səlimova