Ağdaşda ağır qəza, 1 nəfər ölüb, 5 nəfər yaralanıb

Bölmə: Hadisə › ,
Tarix: 00:27 17.05.2025

Mayın 16-da saat 21 radələrində Ağdaş rayonu ərazisində ağır yol-nəqliyyat hadisəsi baş verib. 

 

“İnformator.az” xəbər verir ki, hadisə zamanı 32 yaşlı Məhəmməd Atəddinovun idarə etdiyi “Mercedes” markalı avtomobil əvvəlcə at arabasına dəyib, daha sonra isə yük avtomobili ilə toqquşub.

 

Nəticədə M. Atəddinov hadisə yerində ölüb, sərnişinləri 1972-ci il təvəllüdlü Əflatun Şirinov, 1966-cı il təvəllüdlü Şöhrət Şirinov, 1989-cu il təvəllüdlü Elvin Şirinov, 2009-cu il təvəllüdlü Ömər Musayev və at arabasında olan 1971-ci il təvəllüdlü Məqsəd Həmidov xəsarət alıb. 

 

DİN-in Mətbuat Xidmətinin Şəki regional qrupundan bildirilib ki, faktla bağlı rayon polis şöbəsində cinayət işi başlanılıb, araşdırmalar aparılır.